മാറ്റം
*************
പ്രതിമ,തിരിച്ചറിയാനാവാത്ത പ്രതിമ
ശിരസ്സും,കൈകളും,കാല്കളും
വിരിഞ്ഞ മാറുമുളള പ്രതിമ
കണ്ണില് പായലിന് പാട
അഴുക്കും,കരിയും പൊതിഞ്ഞ ദേഹം
ഹൃദയത്തില് ഉറഞ്ഞ രക്തം
ആരെയും കാണാതെ
മഴയേറ്റ്,കാറ്റേറ്റ്,വെയിലേറ്റ്
നിസംഗനായ് നില്ക്കുന്നു
ഒന്നും തിരിച്ചറിയാനാവാതെ
പ്രതിമ നില്ക്കുന്നു.
വസന്തകാലത്തിന് വരവ് ചെവിയിലേക്കോതി
ആരോ ചിലയ്ക്കുന്ന ശബ്ദം
വസന്തകാലത്തിന് വരവ് ചെവിയിലേക്കോതി
ആരോ ചിലയ്ക്കുന്ന ശബ്ദം
കണ്ണിന് പാടയാരോ കൊത്തിനീക്കുന്നു,
മുന്നില് പ്രകാശം നിറഞ്ഞ കണ്ണ്
ഒരു രശ്മി,ചെറുചിരിയില് പകര്ന്നു.
പ്രതിമതന് കണ്ണില് വെളിച്ചം തെളിച്ചു
ആ കണ്ണില് ചിരിക്കുന്ന ലോകം
വിരിഞ്ഞ പൂക്കള്, പറക്കുന്ന പറവകള്
തീരത്തെ പുണരാന് വെമ്പുന്ന തീരമാലകള്
അതാ,സ്നേഹവര്ഷം ചൊരിയുന്നു.
കണ്ണിന് പാട പാടേ നീങ്ങുന്നു.
അഴുക്കും, പൊടിയും ഒലിച്ചിറങ്ങുന്നു.
ഹൃദയം തുടിക്കുന്നു, പുതുരക്തമൊഴുകുന്നു
കുളിര് മാറുന്നു, ഭയമോടുന്നു
ഇന്ന്..................................
എല്ലാവരും കാണ്കെ, നെഞ്ചുവിരിച്ച്
തുറന്ന കണ്കളാല് ലോകത്തെ നോക്കി
പ്രതിമ നില്ക്കുന്നു.
എല്ലാം തിരിച്ചറിഞ്ഞ്, പ്രതിമ നില്ക്കുന്നു.
ബി.എം.പ്രകാശ്
No comments:
Post a Comment