വസന്തകാലം
ഇളവെയിലിന്‍ പൊന്‍തുടിപ്പാം കുളിരേറ്റ്
വിരുന്നു വന്നൂ പൊന്‍വസന്തകാലം.
കാറ്റിന്റെ ചുംബനമേറ്റു ഞാന്‍ കുളിര്‍കോരി
മനതാരില്‍ വിരിയുന്നു പൊന്‍വസന്തം
കാറ്റിന്റെ സീല്‍ക്കാരമേറ്റൊരാ കിളികളും
മൗനമായ് പാടി നിന്നെ നോക്കി.
കള കളം പാടുന്ന പുഴയെന്തേ മന്ത്രിപ്പൂ
പൂമണമൊഴുകുന്ന തെളിനിരിനായ്.
പൂനിലാ പുഞ്ചിരി തൂകുന്ന വാനവും
മൗനമായ് നിന്‍കാന്തിയേറ്റു വാങ്ങി.
അമ്മതന്‍ നെഞ്ചോട് ചേര്‍ന്ന് കിടന്നൊരാ-
പൈതലിന്‍ മിഴിയിലും പൊന്‍വസന്തം.
മണ്ണിലും വിണ്ണിലും ഹൃത്തിലും നിറയുന്നു
സ്നേഹക്കടലെന്ന നിറവസന്തം.
മിനി.കെ.
വിരുന്നു വന്നൂ പൊന്‍വസന്തകാലം.
കാറ്റിന്റെ ചുംബനമേറ്റു ഞാന്‍ കുളിര്‍കോരി
മനതാരില്‍ വിരിയുന്നു പൊന്‍വസന്തം
കാറ്റിന്റെ സീല്‍ക്കാരമേറ്റൊരാ കിളികളും
മൗനമായ് പാടി നിന്നെ നോക്കി.
കള കളം പാടുന്ന പുഴയെന്തേ മന്ത്രിപ്പൂ
പൂമണമൊഴുകുന്ന തെളിനിരിനായ്.
പൂനിലാ പുഞ്ചിരി തൂകുന്ന വാനവും
മൗനമായ് നിന്‍കാന്തിയേറ്റു വാങ്ങി.
അമ്മതന്‍ നെഞ്ചോട് ചേര്‍ന്ന് കിടന്നൊരാ-
പൈതലിന്‍ മിഴിയിലും പൊന്‍വസന്തം.
മണ്ണിലും വിണ്ണിലും ഹൃത്തിലും നിറയുന്നു
സ്നേഹക്കടലെന്ന നിറവസന്തം.
മിനി.കെ.
അമ്മ
അമ്മ...എന്നമ്മ...പൊന്നമ്മ
അറിവിന്‍ വിളക്കാണെന്നമ്മ.
അക്ഷയ സ്നേഹ ഖനിയാണെന്നമ്മ
അനുപമ സ്നേഹത്തിനുടമ അമ്മ
അനവദ്യ കുസുമമെന്നമ്മ.
അമ്മ...എന്നമ്മ...പൊന്നമ്മ
അനശ്വര നാദലഹരിയാണമ്മ.
അലിവാര്‍‍ന്നൊരമ്മ അഴകോലുമമ്മ
അനര്‍ഗള സ്നേഹ നിര്‍‍ഝരിയമ്മ.
അകതാരില്‍ കുടികൊളളും ദേവിയെന്നമ്മ
അനുഗ്രഹവര്‍‍ഷം ചൊരിഞ്ഞിടുമമ്മ.
അമ്മ...എന്നമ്മ...പൊന്നമ്മ
അമ്മിഞ്ഞപ്പാലൂട്ടി സ്നേഹാമൃതം നല്‍‍കി
മക്കളെ പോറ്റിടും അമ്മ
തെറ്റു തിരുത്തുവാന്‍ പാടു പെടുന്നൊരു
സദ്ഗുരുവാണെന്റെയമ്മ.
എന്തിനുമേതിനും തുണയായ് നിന്നിടും
നല്ല കളിത്തോഴിയമ്മ.
അമ്മ...എന്നമ്മ...പൊന്നമ്മ
നെഞ്ചകം വിങ്ങുമ്പോള്‍ ഇടനെഞ്ചുപൊട്ടുമ്പോള്‍
കുളിര്‍‍മഴ പെയ്യിക്കുമമ്മ.
പുഞ്ചിരിപ്പൂപൊഴിച്ചാനന്ദ നാളങ്ങള്‍
ഉള്‍‍പ്പൂവിലണിയിക്കുമമ്മ.
സൂര്യനെക്കാളും തേജസെഴുന്നൊരു
സുന്ദര രൂപിയെന്നമ്മ.
നല്ലൊരു ത്യാഗിയെന്നമ്മ
നല്ല വിളനിലമമ്മ.
നന്മകള്‍ മാത്രം കൈവരുവാനായ്
എന്നും ഭജിക്കുന്നൊരമ്മ.
അമ്മ...എന്നമ്മ...പൊന്നമ്മ
ശാന്തിതന്‍ തീരമാണമ്മ
ശരണത്തിന്‍ മന്ത്രമാണമ്മ.
സന്മാര്‍‍ഗ ദര്‍ശിനി അമ്മ.
ജ്ഞാന പ്രകാശിനി അമ്മ
സത്യമാണമ്മ നന്മയാണമ്മ
ലക്ഷ്മിയാണെന്നുടെയമ്മ.
അമ്മ...എന്നമ്മ...പൊന്നമ്മ
കൈവല്യദായിനി അമ്മ
ആനന്ദദായിനി അമ്മ
അശരണര്‍ക്കാശ്രയം നല്‍‍കീടുന്ന
വിശ്വമാനാണെന്റമ്മ.
അമ്മ...എന്നമ്മ...പൊന്നമ്മ
അണയാത്ത ദീപമെന്നമ്മ.
ശ്യാമള ടീച്ചര്‍
